22.01.2015 17:00

Skíðafélagsmót með hefðbundinni aðferð

Skíðafélagsmót með hefðbundinni aðferð verður haldið í Selárdal laugardaginn 24. janúar og hefst kl. 13.  Keppt verður í eftirfarandi vegalengdum:

Karlar 17 ára og eldri 10 km

Konur 17 ára og eldri 5 km

15-16 ára 5 km

13-14 ára 3,5 km

11-12 ára 2,5 km

9-10 ára 2 km

8 ára og yngri 1 km án tímatöku

Skráning fer fram á staðnum og er mótið öllum opið.

Skíðafélag Strandamanna

19.01.2015 01:07

Aðalfundur

Aðalfundur Skíðafélags Strandamanna verður haldinn í kaffistofu Hólmadrangs á Hólmavík mánudaginn 26. janúar og hefst hann kl. 20 á dagskrá fundarins eru venjuleg aðalfundarstörf.

15.01.2015 15:09

Snjór um víða veröld

Sunnudaginn 18. janúar fer fram World Snow day eða Snjór um víða veröld. Í tilefni dagsins verða að sjálfsögðu troðnar skíðagöngubrautir í Selárdal.

Kl. 13-14.30 verður skíðaæfing fyrir börn og unglinga svokölluð vinaæfing þar sem tilvalið er að bjóða vinum eða vinkonum með á skemmtilega skíðaæfingu. Allir velkomnir.

Kl. 14.30-15.30 er boðið upp á skíðagöngunámskeið fyrir fullorðna þar sem kennd verða grundvallaratriði í hefðbundinni skíðagöngu. Rósmundur Númason tekur við... skráningum á námskeiðið á facebook eða í síma 8921048. Mögulegt verður að fá lánuð skíði og skíðabúnað á staðnum en takmarkaður fjöldi er til, fer eftir skóstærð og hæð þátttakenda. Allir velkomnir.

Í tilefni dagsins verður heitt kakó, kaffi og léttar veitingar á boðstólum í Selárdal á sunnudaginn

15.01.2015 10:21

Mótaskrá

Mótaskrá Skíðafélags Strandamanna fyrir veturinn 2015 er komin á síðuna, einnig er getið helstu móta á landinu sem Strandamenn eru líklegir til þátttöku í ásamt dagsetninga á þemaæfingum og fjallaferðum.

11.01.2015 22:23

Skíðaæfingar

Skíðaæfingar hjá Skíðafélagi Strandamanna í vetur verða sem hér segir:

Miðvikudagar kl. 17.30-18.30

Föstudagar kl. 17-18:30

Laugardagar kl. 17-18 Línuskautar í íþróttahúsinu Hólmavík

Sunnudagar kl. 13-14.30

 

Skíðaæfingarnar fara fram á skíðasvæðinu í Selárdal nema annað sé tekið fram.  Sent er sms um hvort af æfingu verður í síðasta lagi um hádegi daginn sem æfingin er, einnig er sent sms ef lagðar eru skíðabrautir aðra daga.  Þeir sem óska eftir að fá sms um æfingar og brautir hafi samband við Ragnar í síma 8933592.

 

Skíðagönguæfingar Skíðafélags Strandamanna eru gjaldfrjálsar og öllum opnar.  Nýir iðkendur eru sérstaklega velkomnir.

29.04.2014 22:09

Uppskeruhátíð og boðganga

Uppskeruhátíð Skíðafélags Strandamanna verður haldin sunnudaginn 4. maí.  Byrjað verður á firmakeppni í boðgöngu í Selárdal kl. 13 þar sem keppt verður í þriggja manna liðum sem skipt verður í þannig að þau verði sem jöfnust að getu.  Gengið verður með hefðbundinni aðferð.  Þeir sem ætla að vera með þurfa að skrá sig með því að senda póst á netfangið sigrak@simnet.is eða hafa samband við Ragnar í síma: 8933592, einnig er auglýst eftir fyrirtækjum sem vilja kaupa lið í boðgöngunni.

 

Eftir boðgönguna verður farið í sund í sundlauginni á Drangsnesi og síðan verður sjálf uppskeruhátíðin í Félagsheimilinu Baldri á Drangsnesi.  Afhent verða verðlaun og viðurkenningar fyrir veturinn og grillaðar pylsur og hamborgarar.  Tilkynna þarf þáttöku á uppskeruhátíðina til Aðalbjargar Óskarsdóttur í síma 8687156 eða á netfangið allaoskars@gmail.com eða á facebook.

16.04.2014 12:41

Sparisjóðsmót

Sparisjóðsmót í skíðagöngu verður haldið í Selárdal 21. apríl eða annan í páskum, mótið hefst kl. 11.  Gengið verður með frjálsri aðferð.  Í karlaflokkum verða gengnir 10 km, í kvennaflokkum 17 ára og eldri verða gengnir 5 km.  Í yngri aldursflokkum verða vegalengdir svipaðar og verið hafa á öðrum mótum í vetur.  Mótið er öllum opið og fer skráning fram á staðnum.  Það er Sparisjóður Strandamanna sem er styrktaraðili mótsins.

16.04.2014 12:38

Skíðamót Arion banka

Skíðamót Arion banka verður haldið í Selárdal laugardaginn 19. apríl og hefst kl. 11.  Gengið verður með hefðbundinni aðferð.  Í karlaflokkum 17 ára og eldri verða gengnir 15 km en 7,5 km í kvennaflokkum.  Í yngri aldursflokkum verða svipaðar vegalengdir og verið hafa í mótum í vetur.  Allir þátttakendur fá páskaegg fyrir þátttökuna.  Skráning fer fram á staðnum.  Það er Arion banki á Hólmavík sem er styrktaraðili mótsins.

05.04.2014 20:05

Góður árangur hjá Birki á SMÍ

Birkir Þór Stefánsson keppti í gær föstudaginn 4. apríl í hefðbundinni göngu á Skíðamóti Íslands á Akureyri.   Birkir náði 4. sæti og gekk 15 km á 52.30 mínútum og var tæplega 7 mínútum á eftir sigurvegara göngunnar Sævari Birgissyni sem keppir fyrir Ólafsfjörð.

28.03.2014 22:24

Fjallaferð og skiptiganga

Á morgun laugardaginn 29. mars verður farið í fjallaferð úr Selárdal yfir í Bjarnarfjörð.  Farið verður af stað frá Brandsholti í Selárdal kl. 11 og gengið yfir Bjarnarfjarðarháls og niður Sunndal í Bjarnarfirði.  Áætlað er að vera við Skarð í Bjarnarfirði kl. 13 og þaðan er auðveld ganga niður að Laugarhóli ef snjór er nægur alla leið.  Þeir sem ekki treysta sér alla leið geta slegist í hópinn við Skarð, en þaðan eru ca. 3 km niður að Laugarhóli.  Öll leiðin úr Selárdal að Laugarhóli eru a.m.k. 15 km.  Farið verður á sleða með spora á undan göngumönnum en einnig eru líkur á að það verði gott færi til að skauta.  Á Laugarhóli verður hægt að fara í sund og heitan pott í Gvendarlaug hins góða að göngu lokinni.

 

Á sunnudaginn verður svo HSS-mót í Selárdal þar sem keppt verður í skiptigöngu í öllum flokkum 9 ára og eldri, en 8 ára og yngri ganga 1 km án tímatöku.  Skiptiganga er þannig að fyrst er gengið með hefðbundinni aðferð síðan skipt um skíði og stafi og seinni hlutinn genginn með frjálsri aðferð, ekki er þó skylda að skipta um skíði og stafi.

24.03.2014 22:09

Hettupeysur

Verið er að taka saman pöntun á hettupeysum.  Þeir sem hafa áhuga á að fá sér bláar hettupeysur merktar Skíðafélagi Strandamanna hafi samband við Þuríði fyrir miðvikudaginn 26. mars annaðhvort í síma 6936803, tölvupósti vp@internet.is eða á facebook.

Peysurnar eru fáanlegar í  stærðum xs- xxl í fullorðins

Og barnapeysurnar eru í stærðum   S 104 CM 3-4 ára M 116 CM 5-6 ára L 128 CM 7-8 ára XL 140 CM 9- 10 ára  XXL 152 CM 11- 12 ára

Félagsmenn fá peysurnar á betri kjörum en utanfélagsmenn.

 

24.03.2014 10:11

Úrslit úr Skíðaskotfimi og Skíðafélagsmóti

Úrslitin úr Skíðafélagsmóti með frjálsri aðferð og skíðaskotfimi sem haldin voru um helgina er komin á síðuna undir liðnum úrslit.

21.03.2014 14:04

Skíðatrimm fyrir fullorðna

Þar sem við höfum fundið fyrir áhuga hjá mörgum fullorðnum til að prófa og iðka skíðagöngu ætlum við að gera tilraun með að bjóða upp á sérstakan skíðatrimmtíma fyrir fullorðna og verður fyrsti tíminn á laugardaginn 22. mars kl. 16-17.30 í Selárdal.  Hægt verður að fá tilsögn fyrir þá sem óska eftir því og eins er möguleiki að fá lánaðan útbúnað á staðnum, bæði skíði, skó og stafi, best er að þeir sem ætla að fá lánaðan útbúnað hafi samband áður og gefi upp skóstærð og hæð (Rósmundur s. 8921048 eða Ragnar s. 8933592).  Segja má að hugsunin með þessum tímum sé svipuð og er t.d. í skokkhópum þar sem fólk hittist reglulega og iðkar sína hreyfingu saman í góðum félagsskap með möguleika á að fá tilsögn.  Ef þetta fyrirkomulag reynist vel munum við halda áfram með þennan tíma á laugardögum kl. 16 út veturinn (til loka apríl).

 

 

21.03.2014 13:57

Skíðafélagsmót og skíðaskotfimi

Það verður ýmislegt um að vera í Selárdal um helgina ef veður leyfir, á laugardaginn verður Skíðafélagsmót með frjálsri aðferð haldið kl. 18 í Selárdal, keppt verður í sömu flokkum og vegalengdum og var í Skíðafélagsmóti með hefðbundinni aðferð sem haldið var 8. mars.  Ræst verður með hálfrar mínútu starti.

Á sunnudaginn kl. 14 verður keppt í Skíðaskotfimi með frjálsri aðferð keppt verður í öllum aldursflokkum 9 ára og eldri.  Ræst verður með hópstarti.  Það skal tekið fram svo að enginn verði hræddur að ekki verða notuð skotvopn í keppninni heldur er notuð sú aðferð að kasta priki inn í lítinn hring, einn refsihringur verður fyrir hvert skot sem klikkar eins og er í venjulegri skíðaskotfimi.  Á sama tíma verður venjuleg æfing fyrir krakka 8 ára og yngri.

19.03.2014 22:49

Strandagangan 2014

Strandagangan 2014

Starfsmenn:

Göngustjóri:  Þorsteinn Sigfússon

Brautarstjóri:  Kristján Hólm Tryggvason

Brautarlagning: Kristján Hólm  Tryggvason

Brautarverðir:  Úlfar Örn Hjartarson, Pétur Matthísson og Sigurður Árni Vilhjálmsson

Ræsir:  Þorsteinn Sigfússon

Tímaverðir:  Jón Stefánsson, Reynir Björnsson, Sigurlaug Stefánsdóttir, Steinar Þór Baldursson, Guðbrandur Ásgeir Sigurgeirsson

Ritari:  Bryndís Sveinsdóttir Hrefna Guðmundsdóttir og Dagbjört H. Torfadóttir

Djúsgjafar:  Lýður Jónsson, Theodór Þórólfsson

Skráning:  Aðalbjörg Óskarsdóttir

Tölvuvinnsla:  Aðalbjörg Óskarsdóttir og Kristján Hólm Tryggvason

Ljósmyndun:  Ingimundur Pálsson

 

Veitingar:

Þuríður Signý Friðriksdóttir, Sigríður Guðbjörg Jónsdóttir, Kristján Hólm Tryggvason, Aðalbjörg Óskarsdóttir, Rósmundur Númason, Marta Sigvaldadóttir, María Mjöll Guðmundsdóttir, Sólveig Jónsdóttir, Aðalheiður Ragnarsdóttir, Jóna Þórðardóttir, Ragnheiður Birna Guðmundsdóttir, Guðrún Smáradóttir, Bryndís Sveinsdóttir, Ragnhildur Elíasdóttir, Jóhanna Rósmundsdóttir, Salbjörg Engilbertsdóttir.

 

Braut:

Vegalengdir: 1 km, 5 km, 10 km og 20 km.

Startað á Brandsholti.  1 km brautin sneri rétt fyrir framan Brandsholt og kom til baka yfir Brandsholtið samhliða hinni brautinni fyrir neðan markið þaðan gengið út neðan við Syrpu og komið inn í brautina utan við holtið og þaðan gegnum hliðið, framhjá Syrpu og í markið.  10 km hringurinn var þannig:  Start á Brandsholti gengið sem leið liggur fram á tún á Geirmundarstöðum þar tekin lykkja upp í brekkuna og aftur niður með fjárhúsum og íbúðarhúsi, farið yfir veginn og niður á eyrarnar niður í Jónshólma, þaðan gengið fram hólma fram að Gilsstöðum í gegnum hliðið, meðfram Torfholti, farið fram með íbúðarhúsinu og upp rétt fyrir framan það, snúið við Gunnarslund og gengið til baka eins og leið liggur með hlíðinni yfir rafmagnsgirðinguna skammt ofan við hliðið að Gilsstöðum, þaðan rennsli niður á flóðin, gengið upp Sandhólalautina við Geirmundarstaði, yfir Sigurðargarð að Einbúa og snúið þar, rennsli niður að Sandhólaskarði, gengið yfir hólinn á heimatúninu og þaðan langt rennsli niður túnið, síðan gengið með fram hlíðinni, fyrir ofan Brandsholt, fram hjá Syrpu, upp Rósabrekku og út á Múlaengi, þar gengið með fram hlíðinni út á enda á Múlaengi og þar snúið við og gengið til baka niður í Kistu, snúið í króknum, þaðan yfir hólinn gengið neðan við Syrpu og í mark á Brandsholti.  Í 5 km vegalengdinni var snúið við á hólnum á heimatúninu.

 

Veður:

Fyrst hæg Suðaustlæg átt síðar Suðvestanhviður á stöku stað í brautinni, skýjað og væta öðru hvoru, hiti um frostmark við start en hlýnaði fljótlega eftir það í 4°c.

Færi: 

Nýr blautur snjór ofan á gömlum snjó, snjóaði töluvert um nóttina og morguninn fyrir göngunaá .  Flestir gengu á sandpappír eða heitum bauk og a.m.k. 1 á Rossa special klístri með bauk yfir.  Mun verra rennsli á seinni hringnum hjá þeim sem gengu 20 km vegna bleytu í sporunum.

Keppendur:

Ræstir alls 76 keppendur, 74 luku keppni, yngsti keppandinn var 4 ára og sá elsti 81 árs.  Keppendur í 1 km voru 19 talsins, í 5 km voru 22, 10 gengu 10 km og 25 gengu 20 km vegalengdina.

Verðlaun:

Þrír fyrstu keppendur í hverjum flokki fengu bikar.  Allir keppendur í göngunni og starfsmenn fengu blátt buff merkt Strandagöngunni.  Í tilefni þess að Strandagangan var gengin í 20. skipti voru veitt heiðursverðlaun þeim sem hafa lokið 10 og 20 göngum.

Þeir sem hafa lokið 10 göngum og tóku þátt í Strandagöngunni 2014:

Stefán Snær Ragnarsson, Hjörtur Þór Þórsson, Þórhallur Ásmundsson, Bragi Guðbrandsson, Ingvar Pétursson, Magnús Eiríksson, Rósmundur Númason, Úlfar Örn Hjartarson, Vignir Örn Pálsson, Birkir Þór Stefánsson, Jón Vilhjálmur Sigurðsson, Magnús Steingrímsson og Marta Sigvaldadóttir.

20 göngur: Ragnar Bragason

 

Skíðafélag Strandamanna þakkar keppendum fyrir þátttökuna í gönguna, starfsmenn göngunnar og fólkið sem sá um kaffihlaðborðið fá bestu þakkir fyrir vel unnin störf.  Kaupfélag Steingrímsfjarðar fær kærar þakkir fyrir stuðning sinn við gönguna 20. Árið í röð.  Skíðafélag Strandamanna þakkar þessum aðilum kærlega fyrir stuðninginn sem og öllum þeim sem komu að göngunni á einhvern hátt og gerðu framkvæmd hennar mögulega

Flettingar í dag: 40
Gestir í dag: 2
Flettingar í gær: 18
Gestir í gær: 9
Samtals flettingar: 65893
Samtals gestir: 18135
Tölur uppfærðar: 23.1.2019 01:30:14